العيادة الجديدة بتواجه مشكلة واضحة: محدش يعرفها. والأشهر الأولى بتفرق جدًا، لأن الانطباع الأول بيفضل.
قبل الافتتاح
هوية بصرية واضحة، وصفحات Facebook وInstagram وTikTok جاهزة ببيو وأسعار ومواعيد، وملف Google Business كامل علشان تظهر على الخرايط، ورقم WhatsApp فيه حد بيرد.
الشهر الأول: التعريف
فيديوهات تعرّف بحضرتك وبخبرتك وبالعيادة من جوه، وإعلانات للمنطقة القريبة بعرض افتتاح واضح. الهدف إن الناس اللي حواليك تعرف إن فيه عيادة جديدة ودكتور فاهم.
الشهر التاني: الثقة
محتوى بيرد على أسئلة المرضى، وتجارب أول المرضى بموافقتهم، وRetargeting للي اتفرجوا أو كلّموا ومحجزوش.
الشهر التالت: التوسع
كبّر الإعلانات اللي جابت حجوزات، ووقّف اللي ماجابتش، ووسّع المنطقة بالتدريج. وابدأ تطلب تقييمات على جوجل من المرضى الراضيين.
قيس من أول يوم
سجّل كل مريض: جه منين، واتحجز إمتى، وحضر ولا لأ. الأرقام دي هي اللي هتوجّه الشهور اللي بعد كده.
قائمة سريعة لعيادتك
- هوية وصفحات جاهزة قبل الافتتاح
- ملف Google Business كامل
- عرض افتتاح للمنطقة القريبة
- تجارب أول المرضى بموافقتهم
- تسجيل مصدر كل مريض
أسئلة بتتسأل
أبدأ إعلانات قبل الافتتاح؟
أيوه، قبلها بأسبوعين تقريبًا علشان الحجوزات تبدأ من أول يوم.
عرض الافتتاح بيقلل من قيمة العيادة؟
لو مدروس ولمدة محددة لأ، بيبقى سبب للتجربة. المهم التجربة نفسها تكون ممتازة.
Free clinic check-up
عايز تعرف عيادتك فيها أنهي مشكلة؟
بنكشف على تسويق عيادتك بالأرقام، ونعرض عليك خطة أول 90 يوم في مقابلة أونلاين 30 دقيقة. من غير أي التزام.
