شركات التسويق كتير، والعروض شبه بعض. الفرق الحقيقي بيبان في الأسئلة دي، فاسألها لأي شركة قبل ما توقّع، حتى لو كانت إحنا.
1. بتقيسوا النجاح بإيه؟
لو الإجابة Likes ووصول ومتابعين، دي شركة دعاية. شركة التسويق الطبي بتقيس الرسايل والحجوزات والحضور وتكلفة الحجز.
2. متخصصين في الطب؟
مريض النسا غير مريض الأسنان غير مريض العظام. والإعلان الطبي ليه قواعد من Meta والنقابة. اسأل عن شغل في تخصصك.
3. مين بيرد على المرضى؟
أغلب الشركات بتسيب الرسايل للعيادة. اسأل: فيه كول سنتر؟ متدرب على إيه؟ بيرد خلال قد إيه؟
4. الحساب الإعلاني والصفحة باسم مين؟
لازم يكونوا ملك حضرتك، والشركة بتديرهم بصلاحيات. ده بيحميك لو حبيت تغيّر الشركة.
5. هشوف الأرقام إزاي؟
تقرير آخر الشهر مش كفاية. اسأل لو فيه لوحة تشوف فيها الأرقام بنفسك وقت ما تحب.
6. التصوير بيتم إزاي؟
فريق تصوير محترف، وسكريبت قبل التصوير، ويوم منظم، ولا موبايل وخلاص؟
7. إيه اللي داخل في السعر وإيه اللي برّه؟
ميزانية الإعلانات، والكول سنتر، وعدد الفيديوهات والتصميمات، ونظام الدفع. كل ده لازم يبقى واضح قبل التوقيع.
8. عندكم آراء دكاترة حقيقية؟
فيديوهات لدكاترة بيتكلموا بنفسهم، وتقييمات حقيقية على Facebook وGoogle، أصدق من أي كلام في العرض.
قائمة سريعة لعيادتك
- القياس بالحجوزات مش الـ Likes
- تخصص طبي
- كول سنتر متدرب
- الحسابات باسمك
- أرقام قدامك في أي وقت
- تصوير محترف بسكريبت
- سعر واضح
- آراء دكاترة حقيقية
أسئلة بتتسأل
أختار الأرخص؟
قارن اللي هتاخده مش الرقم بس: التصوير والمتابعة والرد والقياس. الأرخص من غير قياس ممكن يطلع الأغلى.
ينفع أجرب شهر واحد؟
التسويق محتاج وقت يتعلم ويتحسن. برنامجنا 4 شهور: شهر تجهيز و3 شهور تشغيل، وبعدها التجديد شهري.
Free clinic check-up
عايز تعرف عيادتك فيها أنهي مشكلة؟
بنكشف على تسويق عيادتك بالأرقام، ونعرض عليك خطة أول 90 يوم في مقابلة أونلاين 30 دقيقة. من غير أي التزام.
